Die Filistyne het oorlog gemaak teen Israel. Die twee leërs het aan twee kante van ’n vallei gestaan. ’n Man met die naam Goliat, ’n reuse Filistyn, het elke dag vorentoe gekom. Hy het die Israeliete uitgedaag om iemand te stuur om teen hom te veg. Goliat was baie groot en sterk, en almal was bang vir hom.
Dawid was ’n jong skaapwagter. Sy pa, Isai, het hom gestuur om kos vir sy drie ouer broers te neem wat in die leër was. Toe Dawid daar kom, het hy gehoor hoe Goliat die leër van die Here uitdaag. Dawid het gesê: “Wie is hierdie Filistyn dat hy die leër van die lewende God so beledig?”
Koning Saul het van Dawid gehoor en hom laat kom. Dawid het gesê: “Die Here wat my gered het van die leeu en die beer, sal my ook red van hierdie Filistyn.” Saul het hom toe laat begaan om teen Goliat te veg.
Dawid het vyf gladde klippies uit die rivier gevat en dit in sy slingertas gesit. Hy het met sy slinger na Goliat toe gegaan. Goliat het vir hom gelag. Maar Dawid het gesê: “Jy kom na my toe met ’n swaard en spies, maar ek kom na jou toe in die Naam van die Here.”
Dawid het ’n klip uit sy sak gehaal, dit geslinger en Goliat op die voorkop getref. Goliat het neergeval, en Dawid het hom oorwin. Die Filistyne het weggehardloop en Israel het die oorwinning behaal.
Terugkeer 