In daardie dae het Johannes die Doper in die woestyn van Judea begin preek. Hy het gesê:
“Bekeer julle, want die koninkryk van die hemel het naby gekom.”
Baie mense uit Jerusalem, Judea en die hele Jordaanstreek het na hom toe gekom. Hulle het hulle sondes bely, en Johannes het hulle in die Jordaanrivier gedoop.
Toe Johannes baie Fariseërs en Sadduseërs sien kom, het hy hulle gewaarsku om vrugte te dra wat by bekering pas. Hy het gesê: “Ek doop julle met water tot bekering, maar Hy wat ná my kom, is sterker as ek. Ek is nie werd om sy sandale te dra nie. Hy sal julle met die Heilige Gees en met vuur doop.”
Toe het Jesus van Galilea na die Jordaan gekom om deur Johannes gedoop te word.
Johannes wou Hom keer en het gesê: “Ek het nodig om deur U gedoop te word, en kom U na my toe?”
Maar Jesus het geantwoord: “Laat dit nou toe, want só pas dit ons om alles wat geprofeteer is te vervul.”
Toe het Johannes Hom gedoop.
Nadat Jesus gedoop is, het Hy dadelik uit die water opgekom. Die hemel het vir Hom oopgegaan, en Hy het die Gees van God soos ‘n duif sien neerdaal en op Hom kom.
Daar het ook ‘n stem uit die hemel gekom wat gesê het: “Dit is my geliefde Seun oor wie Ek My verheug.”
Terugkeer 