Koning Ahasveros het die huis van Haman vir Ester gegee. Nadat Ester aan die koning vertel het hoe Mordegai aan haar verwant is het hy voor die koning verskyn. Die koning het sy seëlring, wat hy van Haman terug gevat het, vir Mordegai gegee en Ester het Mordegai oor Haman se huis aangestel.
Maar die wet wat teen die Jode geskryf was, kon nie teruggetrek word nie. Ester het weer voor die koning neergeval en gehuil. Sy het gepleit dat die kwaad van Haman gestop moet word.
Toe het die koning sy goue septer na Ester uitgesteek. Hy het gesê dat Mordegai nuwe briewe mag skryf in die naam van die koning.
Mordegai het toe briewe laat skryf na al die provinsies van die koninkryk. Daarin is gesê dat die Jode hulleself mag verdedig teen enige mense wat hulle wil aanval.
Die briewe is vinnig deur boodskappers op perde uitgestuur.
Mordegai het van die koning af weggegaan in koninklike klere van blou en wit, met ’n groot goue kroon en ’n pers mantel. Die stad Susan het gejuig en bly geword.
Op die dag toe die vyande die Jode wou aanval, het die Jode hulle vyande oorwin. Baie mense in die land het die Jode begin vrees.
Daarna het die Jode dae lank fees gevier, omdat hulle rus van hul vyande gekry het.
Mordegai en Ester het toe bepaal dat hierdie dae elke jaar onthou moet word. Dit het die fees van Purim geword.
Mordegai was groot onder die Jode en gerespekteer onder sy volk.
Terugkeer 